Geekbench verilənlər bazasında yeni vivo V50 Pro smartfonunun kartı peyda olub. Benchmark testləri yalnız onun performansını deyil, həm də əsas xüsusiyyətlərini açıqlayıb.
vivo V2504 (V50 Pro) smartfonu, tək nüvəli performans testlərində 1178 bal, çox nüvəli testlərdə isə 4089 bal toplayıb. Cihazın kartına əsasən, yeni model MediaTek Dimensity 9300+ prosessoru, 8 GB RAM və Android 15 əməliyyat sistemi ilə təqdim ediləcək.
vivo V40 Pro və V30 Pro modelləri, vivo S19 Pro və S18 Pro-nun modifikasiya olunmuş versiyalarıdır. Əgər bu tendensiya davam edərsə, V50 Pro demək olar ki, S20 Pro-nun eynisi olacaq və 6,67 düymlük AMOLED ekran, 120 Hz yenilənmə tezliyi, optik stabilizasiyalı 50 MP əsas kamera, avtofokuslu ön kamera, 5500 mAh batareya və 90 W sürətli şarj dəstəyi ilə gələcək.
