Apple-da etibarlı insayderləri ilə tanınan Mark Qurman bildirib ki, şirkətin təqdimatı payızın əvvəlində — sentyabrın 10-da baş tutacaq.
Onun sözlərinə görə, onlar iPhone 16-nı böyük tədbirdə təqdim edəcəklər. Çoxdan gözlənilən tədbirin Bakı vaxtı ilə saat 21:00-da başlaması gözlənilir. Jurnalistin sözlərinə görə, iPhone 16-dan başqa digər qadcetlər də nümayiş etdiriləcək. Xüsusilə, AirPods 4, AirPods Max 2, Apple Watch 10 smart saatları və s.
Təqdimatdan bir müddət sonra smartfonlar satışa çıxarılacaq. Jurnalist qeyd edir ki, sentyabrın 20-dən etibarən Apple-dan yeni mobil cihaz almaq mümkün olacaq.
