Setsuna Digital ləqəbli insayder iPhone 16 Pro və Pro Max üçün displey əldə edə bildi və qarşıdan gələn smartfonlar haqqında yeni təfərrüatları paylaşdı.
İnsayder bildirir ki, iPhone 16 Pro ekran çərçivələrinin qalınlığı 1,2 mm, iPhone 16 Pro Max modelində isə bu rəqəm 1,15 mm olacaq. Müqayisə üçün qeyd edək ki, indiki iPhone 15 Pro və Pro Max-ın çərçivələri müvafiq olaraq 1,71 mm və 2,15 mm-dir.
Şayiələrə görə, Apple şirkəti Border Reduction Structure (BRS) texnologiyasından istifadə edir ki, bu da təkcə sol və sağ çərçivələrin deyil, həm də alt hissəsinin qalınlığını azaldıb.
Həmçinin, daha əvvəl bildirildiyi kimi, iPhone 16 daha böyük kamera sensorları və proqramlaşdırıla bilən Capture düyməsini alacaq. Smartfonların premyerası bu ilin sentyabrında gözlənilir.
