İnternetdə ən yeni Honor Magic 6 Lite-ın təfərrüatları ortaya çıxdı. Honor smartfon seriyası bu yaxınlarda dəstəklənən Google Play cihazları siyahısında görünən maraqlı Magic 6 Lite modeli ilə tamamlanacaq. Avropada Honor tez-tez X seriyalı telefonlarını Magic modelləri kimi rebrendinq edir, məsələn: Magic 5 Lite (Honor X9a) və Magic 4 Lite (Honor X9).
Honor X9b (gələcək Magic 6 Lite) 1,5K təsvir ölçülü 6,78 düymlük AMOLED ekrana malikdir. O, Snapdragon 6 Gen 1 çipseti ilə təchiz edilib və 8GB və 12GB RAM və 256GB daxili yaddaş seçimləri ilə təklif olunur. Cihaz Android 13 əsasında Magic OS 7.2 əməliyyat sistemi ilə işləyir və 35 Vt sürətli şarj dəstəyi ilə 5800 mAh batareya ilə təchiz edilib.
Arxa tərəfdə 108MP əsas kamera, 5MP ultra geniş bucaqlı obyektiv və 2MP makro kamera olan dairəvi kamera bloku var. Selfie üçün 16MP ön kamera cavabdehdir. Cihaz iki SİM kartı və 5G-ni dəstəkləyir, həmçinin Wi-Fi, Bluetooth, GPS, NFC, USB-C portu və hətta 3,5 mm audio yuvası var.
Honor Magic 6 Lite-ın dəqiq təqdimat tarixi sirr olaraq qalır.
Bizi Telegram kanalımızdan da izləyə bilərsiniz. https://t.me/infocity_az
