Təqdimatdan cəmi bir neçə həftə əvvəl Xiaomi 13T və onun Pro versiyası Rumıniyanın eMAG pərakəndə satış şirkətinin saytında peyda oldu. Satıcı təkcə cihazların gözlənilən qiymətini açıqlamayıb, o həmçinin cihazların aparat xüsusiyyətlərini dərc edib.
Mənbənin məlumatına görə, Xiaomi 13T Pro 1220×2712 piksel təsvir ölçüsünə və 144 Hz yeniləmə tezliyinə malik 6,67 düymlük ekrana sahib olacaq. Smartfonun əsasını 12/256 GB yaddaş konfiqurasiyası ilə birlikdə Dimensity 9200+ prosessoru təşkil edəcək. Həmçinin 20 meqapiksellik ön kamera , 50 (əsas), 50 (telefoto) və 12 meqapiksellik (ultra geniş bucaqlı modul) sensorları olan üçlü arxa kameraya da toxunmaq olar. 120 vatt şarj dəstəyi ilə batareyanın tutumu 5000 mAh olacaq.
Əsas Xiaomi 13T Dimensity 8200 Ultra mobil platformasında qurulacaq. Onun displeyi, ön kamerasının təsvir ölçüsü və batareya tutumu köhnə modellə eyni qalacaq. Lakin dəstəklənən şarj gücü 67 Vt olacaq. Satıcının sözlərinə görə, Xiaomi 13T-nin qiyməti 665 avrodan, Pro versiyası isə müştərilərə 945 avrodan başlayacaq. Yeni məhsulların təqdimatı sentyabrın 26-da gözlənilir.
