Samsung Galaxy S23 FE-nin təqdimatı yaxınlaşdıqca, sosial şəbəkələrdə qarşıdan gələn cihaz haqqında daha çox məlumat peyda olur. İnsayder MySmartPrice bu dəfə Amerika bazarında smartfonun qiymətini açıqlayıb.
Artıq məlumdur ki, Galaxy S23 FE 60-dan 120 Hz-ə qədər təzələnmə tezliyi və pik parlaqlığı 1450 nit olan 6,4 düymlük Dynamic AMOLED ekran, ABŞ və Kanada bazarları üçün Exynos 2200 çipi ilə təchiz ediləcək. Mövcud yaddaş tutumu 8 GB RAM, fleş yaddaş isə 128/256 GB olacaq.
Smartfon, həmçinin 50MP əsas sensoru olan üçlü kamera, 12MP ultra geniş bucaqlı sensor və 3x ZOOM dəstəkləyən 8MP telefoto obyektivlə təchiz edilib. Selfie kamerasının təsvir ölçüsü 10MP olacaq. IP68 standartına uyğun su və tozdan qorunma və 25 Vt gücündə sürətli enerji doldurma dəstəyi barəsində də məlumat var.
Qiymətdən danışsaq, Galaxy S23 FE-nin qiyməti 599 dollardır. Hələlik təqdimatın tarixi rəsmi olaraq açıqlanmasa da, oktyabrın 4-nə planlaşdırıldığı bildirilir.
