Kamila Voytsexovskaya gözlənilən Google Pixel 8 və 8 Pro smartfonlarının Amerika qiymətlərini açıqladı.
Maraqlıdır ki, Pixel 8-in əsas modeli sələfindən baha başa gələcək, Pixel 8 Pro-nun qiyməti isə əvvəlki nəsil Pixel 7 Pro ilə eyni qalacaq.
Pixel 8 üç rəngdə təklif olunacaq. Smartfon əvvəlki nəslin 90 Hz-ni əvəz edən 60 Hz və 120 Hz yeniləmə tezliyinə malik ekranla təchiz ediləcək.
Yeni məhsulun əsasını 8 QB əməli yaddaşla tamamlanan xüsusi Google Tensor G3 prosessoru təşkil edəcək. 50 MP əsas kamera 12 MP ultra geniş sensor və makro fokus dəstəyi ilə tamamlanacaq. Ön kameranın təsvir ölçüsü 10,5 meqapikseldir. Yeni məhsulun qiyməti 699 dollardan başlayacaq ki, bu da Pixel 7-nin başlanğıc qiymətindən 100 dollar bahadır.
Pixel 8 Pro-ya gəlincə, onun fərqləndirici xüsusiyyəti 12 GB operativ yaddaş olacaq. Prosessor əsas modellə eynidir — Tensor G3. Ekran 1Hz-dən 120Hz-ə qədər tezlikləri dəstəkləyəcək.
12 meqapiksellik ultra geniş sensor 48 meqapiksellik sensorla əvəz olunacaq. Cihaza 48 meqapikselli və 5x optik zumlu telefoto obyektiv də əlavə olunacaq. Ön kamera da 10,5 meqapiksel təsvir ölçüsünə sahib olacaq.
Xatırladaq ki, Pixel 8 seriyasının rəsmi təqdimatı oktyabrın 4-nə planlaşdırılıb.
Bizi Telegram kanalımızdan da izləyə bilərsiniz. https://t.me/infocity_az
