Honor şirkəti MagicBook X 14/16 Pro noutbuklarını yeniləyib. Yeni məhsullar güclü inteqrasiya olunmuş Radeon 780M qrafikası olan AMD Ryzen 7 7840HS prosessoru ilə təchiz olunub. Cihazlar köhnə modellər ilə oxşar xüsusiyyətlərə malikdir, lakin ekran ölçüsü və muxtariyyət və ilə fərqlənir.
Honor MagicBook X 16 Pro 1920×1200 piksel təsvir ölçüsünə, 100% sRGB əhatə dairəsinə və maksimum 300 nit parlaqlığa malik matrislə təchiz edilib. Aparat platforması 16 GB RAM və 512 GB daimi yaddaşla birlikdə Ryzen 7 R7 7840HS (45 Vt) prosessoru ilə təmsil olunur. İstehsalçıya görə, batareyanın tam doldurulması 12 saat işləmək üçün kifayətdir.
Noutbukda barmaq izi skaneri, iki SSD yuvası və üç USB-A girişi var (biri USB4, iki yuva 3.2 Gen1), həmçinin HDMI 1.4 b portu və 3,5 mm qulaqlıq girişi də mövcüddur.
14 düymlük versiya, ekrandan əlavə, korpusun ölçüsü ilə də fərqlənir: qalınlığı 16,5 mm, çəkisi 1,4 kq-dır. Batareyanın tutumu eynidir, lakin işləmə müddəti 13,5 saata çatır və prosessorun TDP gücü 40 vattdır.
Honor MagicBook X 14 Pro-nun qiyməti 624 dollar, X 16 Pro-nun isə 652 dollar olub.
Bizi Telegram kanalımızdan da izləyə bilərsiniz. https://t.me/infocity_az
