Tanınmış insayder Ice Universe Twitter hesabında hələ təqdim edilməmiş flaqman Xiaomi 14-ü gördüyünü və heyran qaldığını bildirib. İnsayder, cihazın sənayedəki ən incə çərçivələrə sahib olduğunu qeyd etdi.
“Xiaomi 14 buraxılmazdan əvvəl heç bir Android smartfonu öz dizaynı ilə məni maraqlandıra bilmədi. 14-cü seriya çıxandan sonra bəlkə də digər telefonlarla daha az maraqlanacağam. Xiaomi 14 yeni standart təyin edəcək və bütün digər smartfonlar eyni istiqamətdə təkmilləşməli olacaqlar. Əks halda insanlar onlara maraq göstərməyəcək. Mən Xiaomi 14-ü gördüm və indi mənə elə gəlir ki, bütün digər smartfonların çərçivələri çox genişdir və çox ucuz görünür”, — deyə insayder bildirib.
Bundan əvvəl insayder smartfonların üç şəklini göstərmişdi. İlk ikisi Xiaomi 14 Pro-nun iddia edilən renderini, sonuncusu isə əsas versiyasını göstərir. Çərçivələrin qalınlığı təxminən 1 mm olmalıdır və displeyin təchizatçısı China Star Optoelectronics olacaq.
Bizi Telegram kanalımızdan da izləyə bilərsiniz. https://t.me/infocity_az
