Dekabr ayında Xiaomi şirkəti 13-cü seriyanın flaqman smartfonlarını təqdim etdi, ancaq yalnız Çin bazarı üçün. Bu gün şəbəkədə şirkətin böyük təqdimatının tarixini açıqlayan poster peyda olub.
Xiaomi Barselonada keçiriləcək MWC 2023 sərgisinə yeni məhsullar gətirəcək. İnsayderlərin sözlərinə görə, təqdimatda təkcə Xiaomi 13-ün qlobal versiyası deyil, həm də flaqman Xiaomi 13S Ultra (və ya 13 Ultra) nümayiş etdirilə bilər. Xiaomi 12S Ultra-nın keçən ilki buraxılışı bu versiyanın lehinə danışır: smartfon 12-ci seriyanın buraxılışından sonra təqdim edildi.
MWC-də 13S Ultra-nın buraxılmasının ikinci təsdiqi Xiaomi CEO-su Lei Jun-un bəyanatı ola bilər: dekabrın əvvəlində o, smartfonun qlobal təqdimatı ilə bağlı planlarını bölüşmüşdü, 12S Ultra isə yalnız Çində təqdim olunmuşdu. 13S Ultra-nın texniki xüsusiyyətləri dəqiq məlum deyil. Çox güman ki, smartfon düymlük Sony IMX989 əsas kamera sensoru, Snapdragon 8 Gen 2 prosessoru, 120 və ya 144 Hz təzələnmə tezliyi olan AMOLED displey alacaq.
Bizi Telegram kanalımızdan da izləyə bilərsiniz. https://t.me/infocity_az
