Mənbələr rəsmi təqdimatı yaxın aylarda gözlənilən Motorola Edge (2022) smartfonunun yüksək keyfiyyətli renderlərini dərc edib. Qurğunun çipseti hələ rəsmi təqdimatı olmayan səkkiznüvəli MediaTek MT6879 olacaq. Çipə Mali-G79 qrafik sürətləndiricisi də daxil olacaq.
Smartfon Full HD+ təsvir ölçüsünə və 144 Hz ekran yeniləmə tezliyinə malik 6,5 düymlük P-OLED displey əldə edəcək. Ekranın mərkəzində 32 meqapiksellik selfi kamerası var. Əsas kamera üçqat olacaq: 50, 13 və 2 meqapiksel.
Satışa smartfonun 2 modifikasiyası çıxarılacaq — 6 və 8 GB RAM. Fləş yaddaşın tutumu isə 128 və 256 GB olacaq. Akkumulyatorun tutumu 6000 mAh olacaq.
Bizi Telegram kanalımızdan da izləyə bilərsiniz. https://t.me/infocity_az
