2020-ci ilin iyul ayından bu ilin iyuluna kimi olan dövr ərzində dünya üzrə kiber qəsbkarlıq və rəqəmsal aktivlərlə bağlı digər cinayətlərin həcmi 1 milyard ABŞ dolları olub.
Report xarici mətbuata istinadən xəbər verir ki, bu barədə “Kaspersky Lab” kibertəhlükəsizlik şirkətinin məlumatında deyilir.
Şifrələmə ilə bağlı iri hücumların və şantaj cəhdlərinin sayı 2021-ci ildə mini keçib. Kiber cinayətkarların aktivləşməsinin əsas səbəbi kimi kriptovalyutaların qiymətinin yüksəlməsi, bunun nəticəsi olaraq da populyarlığının artması göstərilir.
Xatırladaq ki, “Cybersecurity Ventures” şirkətinin hesablamasına görə bu il qəsbkar proqram təminatlarının vurduğu ziyan 20 milyard ABŞ dolları olacaq. İtkilər 2031-ci ilə kimi 265 milyard ABŞdollara çatacaq.
Bizi Telegram kanalımızdan da izləyə bilərsiniz. https://t.me/infocity_az
