Avropa Komissiyasının rəsmi saytında məlumat paylaşılıb ki, Amazon ticarət şirkəti barəsində antimonopoliya araşdırmasına start verilib. Qurum Amazon-un istifadəçi məlumatlarından sui-istifadə edib-etməməsini müəyyənləşdirməyi hədəfləyir.
Məlum olduğu kimi, Amazon həm satıcı olaraq, həm də digər satıcılar üçün «bazar» olaraq çıxış edir. Müstəqil satıcılara ticarət fürsəti verən Amazon öz sahəsində aparılan əməliyyatlar, verilənlər və məlumatları əldə edir. Avropa Komissiyasının ilkin araşdırmalarına əsasən, Amazon satıcıların şəxsi mılumatlarını öz maraqları üçün istifadə edir. Avropa Birliyini təmsil edən komissar Marqaret Vestaqer qeyd edib ki, Amazon şirkətinin təqdim etdiyi xidmət sayəsində istifadəçilər üçü daha böyül seçim və daha ucuz bazar imkanı yaradılıb, lakin, şirkətin rəqiblərinə qarşı qeyri-qanuni əməliyyatlar həyata keçirib-keçirməməsi araşdırılmalıdır.
