Böyük Britaniyada dörd nəfər torrent-treker saytı rəhbəri 4.5 il müddətinə azadlıqdan məhrum ediliblər. Buna səbəb filmlərin, o cümlədən hələ premyerası baş tutmamış olanların sayta pirat versiyaların yüklənməsi göstərilir.
Ən məşhur belə bir hal «The Expendables 3» filmi ilə əlaqəlidir. Belə ki, sayt rəhbərləri filmin DVD yazısını 2014-cü ilin iyul ayında hələ premyeraya üç həftə qalmış şəbəkədə yaymışdılar.
Həbs olunmaqla yanaşı, torrent idarəçiləri Lionsgate Films studiyası və MPAA üzvlərinə 11.2 milyon dollar ödəməli olacaqlar. Qeyd edilir ki, premyera gününə qədər filmin yüklənmə sayı milyonu ötmüşdü. Həbs edilənlər, 40 yaşlı Stiven Peqram, 37 yaşlı Mark Rollin, 54 yaşlı Pol Teylor və 42 yaşlı Alan Stivenson elədə məşhur olmayan TheFoundry.name adlı torren saytının idarəçiləridir.
