Twitter-in analoqu olan Weibo sosial şəbəkəsində hələ rəsmən təqdim edilməmiş Xiaomi Mi Mix 3 smartfonunun şəkilləri paylaşılıb. Smartfonda iPhone X stilində displey «kəsiyi» olmayacaq ki, bu da individuallığı qeyd edir. Üstəlik, öncəki versiyada (Mi Mix 2) ekranın alt hissəsində qalın çərçivə və orada kamera var idi. Yeni Mi Mix 3-də bu olmayacaq. Şəkillərdən göründüyü kimi qoşa kamera mərkəzdə quraşdırılıb, barmaq izi skaneri yoxdur. Çox güman ki, skaner ekranın altına yerləşdiriləcək.
Daha öncə qeyd edilirdi ki, Mi Mix 3 6 düymlük 18.5:9 tipli displey, əsas 3 kamera (40 mp) və selfie kamera (23 mp) təchiz ediləcək. Üstəlik, gözlənilirdi ki, selfie kamera cihazın üst hissəsində açılıb-bağlanacaq.
Rəsmən Mi Mix 3 sentyabr ayının 15-i təqdim edilə bilər.
