Hal-hazırda əlçatan Apple noutbuk statusu 13 düymlük MacBook Air-ə məxsusdur. Bu noutbuk artıq üç ildir ki, yenilənmir.
Hələlik yeni əlçatan modelin MacBook və ya MacBook Air olacağı məlum deyil. Gözlənilir ki, noutbuk 13 düymlük Retina displeyi ilə təchzi ediləcək, qiymət isə 999 dollardan başlayacaq. Noutbuka 8-ci nəsil Intel Core prosessoru (Kaby Lake Refresh tipli) quraşdırılacaq. Qeyd edək ki, sonuncu MacBook Air-də 5-ci nəsil prosessorlar quraşdırılmışdı. Bu isə o deməkdir ki, noutbukun performansında sürətlənmə müşahidə ediləcək.
