ABŞ prezidenti Donald Tramp administrasiyası bir sıra Çin istehsalı smartfonların satışını əngəlləməyi planlayır. Wall Street Journal məlumat verir ki, bu addım təhlükəsizlik baxımından önəmli hesab edilir. Qadağa siyahısında ZTE və Huawei kimi məşhur şirkətlər var.
ABŞ Müdafiə Nazirliyi də Huawei və ZTE satışlarının qadağan edilməsini tələb edir. Pentaqondan bildirilir ki, Çin dövləti smartfon istehsalçılarına ABŞ əsgələrini izləməsi barədə əmrlər verə bilər. Huawei və ZTE bu ittihamları əsassız adlandırıb.
Xatırladaq ki, ötən ay ABŞ dövləti Çin smartfon istehsalçısı ZTE şirkətinə Amerika istehsalı texnoloji cihazları almağa qadağan etmişdi. Beləliklə ZTE Qualcomm çipləri və Android əməliyyat sistemindən məhrum olmaq təhlükəsi ilə üzləşib.
