İyul ayının əvvəlində təqdim olunmuş Pokemon GO oyunu bu günə qədər təxminən 500 milyon dəfə yükləndi və inanılmaz populyarlığa sahib oldu. Oyun yaradıcıları 2 ay ərzində 500 milyon dollar gəlir əldə ediblər və ekspertlərin sözlərinə görə, cari ilin sonunda bu rəqəm 1 milyarda çatacaq.
Pokemon GO 2 ay ərzində əldə etdiyi 500 milyon dollarla özünəməxsus rekorda imza atıb. Belə ki, Candy Crush Saga, Clash of Clans kimi məşhur oyunlar bu gəliri 2 aydan daha artıq bir zamanda əldə edə biliblər.
Onu da qeyd edək ki, gəlirlər yalnız oyun daxili satışlardan deyil, həm də sponsor müqavilələrindən əldə olunur.
