Charge 2 daha böyük displey və yeni funksiyalarla təchiz edilib, Fıex 2 isə heç bir maneyəsiz suda 15 metr dərinliyə enə bilir.
Charge 2 modeli 1.5-düymlük OLED-displey ilə təchiz olunub. Ekranda vaxt, qoşulmuş smartfondan bildirişlər və istifadəçi aktivliyi haqqında informasiya əks olunacaq. Cihaz nəbzi ölçməklə yanaşı addımları da saya bilir. Tam enerji ilə bu saat 5 gün fəaliyyət göstərə bilir. Brasletin qiyməti 150 dollar təşkil edəcək.
Flex 2-nin köməyi ilə isə su altında aktivliyə nəzarət etmək olar. Qalan digər bütün funksiyalarda cihaz Charge 2 modeli ilə analojidir, yalnız ekran mövcud deyil. Displeyin əvəzinə 5 işıq diodlu indikator yerləşdirilib. Flex 2-nin qiyməti 100 dollar təşkil edəcək.
