Aprelin əvvəlində “action” kameraların ən iri istehsalçısı olan GoPro “Omni” adlı yeni funksiyanı təqdim edib, hansı ki 360 dərəcəli VR-video çəkilişi üçün nəzərdə tutulub. Özündə 6 HERO4 Black tipli kameranı birləşdirən GoPro Omni istifadəçilər üçün əlçatan model sayılır və qiyməti 5000 dollardır. Cihazın qiyməti quraşdırılmış 6 kamera ilə birlikdə hesablanır, onlarsız isə qiymət 1500 dollar civarındadır.
GoPro VR platforması şirkət təmsilçilərinin sözlərinə görə sferik video çəkilişi və Kolor Eyes-ın vasitəsi ilə digər istifadəçilərlə bölüşmə imkanı yaradacaq. GoPro VR dəbilqə və virtual reallıq eynəklərini də dəstəkləyəcək.
