“Bestcomp Group” şirkəti Bakutel-2014 sərgisində iştirak edərək sistemlər inteqrasiyası sahəsində əldə etdiyi son nailiyyətləri təqdim etdi. Şirkətin bu ilki sərgidə təqdimatının mövzusu HP və F5 şirkətlərinin informasiya təhlükəsizliyi sistemləri və HP Autonomy oldu.
Ziyarətçilərə məlumat verildi ki, “HP Autonomy” əsas intellektual mülkiyyəti — “Intelligent Data Operating Layer (IDOL)” — özünün əsas kütləsində strukturlaşdırılmayan informasiyanın çox böyük həcmlərindən qiymətli məlumatların çıxarılmasına imkan verir.
“IDOL”-dan istifadə təşkilatlara bu informasiya massivlərində müəyyənləşən və onların fəaliyyətinin daha uğurlu olmasına şərait yaradan kontekst və mənanı aşkar etməyə imkan verir.
“Autonomy” Proqram Təminatı “HP”-nin portfelini təşkil edən və informasiyanın idarə edilməsindən başlayaraq, veb-kontentin idarə edilməsi, rəqəmsal marketinq, korporativ kontentin idarə edilməsi və tamamlanmış reallığa qədər məsələləri həll edən müxtəlif məhsullara tədricən tətbiq edilir.
Sərgidə təqdim edildi ki, F5 informasiya təhlükəsizliyi sistemləri bir çox sahələrdə, hal-hazırda Azərbaycanda, telekom operatorlarda, dövlət strukturlarında tətbiq edilir.
Daha sonra məlumat verildi ki, şirkət Azərbaycanla yanaşı, Gürcüstanda və Orta Asiya respublikalarında müxtəlif İKT layihələrinin icrasında iştirak edir. Sistem inteqratoru olan “Bestcomp Group”un təklif etdiyi həllər optimallığı ilə fərqlənir. Bu xüsusiyyətlər şirkətin müxtəlif iri layihələrdə müvəffəqiyyətlə iştirakını təmin edir.
Bakutel sərgisində ziyarətçilərin şirkətin xidmətləri ilə yanaşı onun digər layihələrdə yaxından iştirak etməsi də marağa səbəb olub. Şirkətin əməkdaşları ziyarətçilərin bu istiqamətdə olan maraqlarını nəzərə alaraq məlumat verdilər ki, “Bestcomp Group” şirkəti Azərbaycan Respublikası Rabitə və Yüksək Texnologiyalar Nazirliyi, Təhsil Nazirliyi, HP və Microsoft şirkəti tərəfindən birgə həyata keçirilən, 25000-dən çox müəllim və şağirdlərin kompüter dəstləri ilə təmin edildiyi “XALQ KOMPÜTERİ” layihəsinin operatorudur.
“BestComp Group”-un əsas üstünlüklərdən biri də onun Azərbaycanda ABŞ-ın HP, DELL, Microsoft, Eaton, TrippLite, HİD, Almaniyanın Kindermann, Fransanın Schneider Electric, Gemalto, Port Designs, Tayvanın ACER, Sapphire, Türkiyənin ARTronic, Karel, Mirsan şirkətlərinin avtorizə edilmiş distribüteri, Oracle, Canon, Toshiba, Polycom, Symantec, F5, Citrix, Thales, Vmware, Mitel (AASTRA), Qnap, Dr.Web şirkətlərinin biznes tərəfdaşı olmasıdır.
Şirkət Azərbaycanla yanaşı, ACER-in Gürcüstan və Orta Asiya respublikalarında, HP-nin, Port Designs-ın, Artronik-in Gürcüstanda rəsmi distribüteridir.
Şirkətin nəzdində HP, ACER, Schneider Electric, TrippLite, Eaton, Trimble, Qnap şirkətlərinin avtorizə edilmiş servis mərkəzləri fəaliyyət göstərir.
Şirkətin ən böyük nailiyyəti onun kadrlarıdır. “Bestcomp Group”da İKT sahəsində böyük iş təcrübəsinə malik olan 200 nəfərdən artıq yüksək ixtisaslı mütəxəssis, o cümlədən elmi işini xarici ölkələrdə müdafiə edərək alimlik dərəcəsi almış mütəxəssislər çalışır.
Şirkət tərəfindən müştərilərə göstərilən xidmətin səviyyəsinin beynəlxalq standartlara cavab verməsi qarşıda qoyulan ümdə vəzifələrdən biridir. “Bestcomp Group”da 3 ildən artıq müddət ərzində fəaliyyət göstərən keyfiyyətin idarə olunması sisteminin beynəlxalq keyfiyyət standartlarına uyğunluğu isə ISO9001:2008 sertifikatı ilə təsdiq edilib.
