DigiTimes nəşrinin yaydığı məlumata əsasən, Apple şirkəti ucuz iPad təqdim etməyi planlaşdırır. Xatırladaq ki, bu il Apple 9.7 düymlük iPad və 10.5 düymlük iPad Pro təqdim etmişdi.
Yeni əlçatan iPad haqqında isə əraflı məlumat hələlik yoxdur. Qeyd edilir ki, yeni cihaz 9.7 düymlük olacaq və böyük ehtimalla cari ildə buraxılan iPad-in davamçısı olacaq. Apple bu addımla orta seqment bazarını ələ keçirməyi planlaşdırır. Gəzən şayiələrə əsasən, yeni iPad 2018-ci ilin ikinci rübündə təqdim ediləcək və qiyməti təxminən 250 dollar olacaq.
