28 dekabr 2024-cü il tarixindən etibarən bütün smartfonlar, planşetlər, qulaqlıqlar, portativ oyun konsolları və dinamiklər, elektron oxucular, klaviaturalar, siçanlar və portativ naviqasiya sistemləri USB-C portu ilə təchiz edilməlidir. Cihazın şarj gücü 15 Vt-ı keçərsə, o zaman USB Power Delivery texnologiyası ilə uyğunluğu da təmin etmək lazımdır.
Növbəti addım noutbuklar üçün tək şarj portunun istifadəsi olacaq. 28 aprel 2026-cı il tarixindən etibarən Avropa bazarı üçün yeni noutbuklar da USB-C portu ilə təchiz edilməlidir.
Avropa hökumətinin planına əsasən, vahid şarj standartının tətbiqi istifadəçilərin həyatını asanlaşdırmaqla yanaşı, elektron tullantıların miqdarını azaldacaq və regionda satılan avadanlıqları ekoloji cəhətdən təmiz edəcək.
Bizi Telegram kanalımızdan da izləyə bilərsiniz. https://t.me/infocity_az
