İnvestorlarla görüş zamanı Tesla CEO 2019-cu ildə elan edilmiş futuristik pikap Cybertruck-un kommersiya buraxılışının daha dəqiq tarixlərini açıqladı. Onun buraxılışı artıq təxirə salınıb — və məlum oldu ki, sonuncu dəfə deyil.
Elon Mask bildirib ki, iddialı elektromobilin ilk tədarükləri yalnız gələn ilin ortalarında başlayacaq. Onun sözlərinə görə, şirkət, pandemiya zamanı hətta mövcud Model S, X və Y-nin buraxılışını «yavaşlaşdıran» komponent çatışmazlığı ilə üzləşib.
Cybertruck-un ən diqqət çəkən xüsusiyyətlərindən biri onun qeyri-standart bucaq dizaynıdır — xarici görünüşdə avtomobil video oyunun modelinə bənzəyir. Eksteryerin qəribə olması səbəbindən istehsalçının bir sıra problemləri yaranıb – xüsusən də mühəndislər standart əkiz “siləcəkləri” bir nəhəng qurğu ilə əvəz etmək məcburiyyətində qalıblar.
Şəbəkədə işləyən pikapın videoları bir neçə dəfə peyda olub — başqa sözlə, o, 2023-cü ildə təqdim olunacaq ikinci nəsil Tesla Roadster-dən fərqli olaraq tamamilə gözdən itməyib.
Bizi Telegram kanalımızdan da izləyə bilərsiniz. https://t.me/infocity_az
