WABetaInfo yenidən WhatsApp-ın beta versiyalarındakı yenilikləri paylaşıb. Bu dəfə məlumatlar mesajların silinə biləcəyi vaxta aiddir.
Bundan əvvəl jurnalistlər artıq WhatsApp-ın “hamı üçün sil” funksiyası üçün fərqli vaxt məhdudiyyətindən istifadə etməyi planlaşdırdığını bildiriblər: 2 gün və 12 saat. İndi, nəhayət, bu funksiya bəzi beta testçilərdə ortaya çıxdı.
Əvvəlki limit 1 saat 8 dəqiqə 16 saniyə idi. İndi isə WABetaInfo-nun müəllifləri sınaqdan bir gün əvvəl göndərilən mesajı silməyə çalışıblar və o, nəticə verib. Onlar təsdiq edirlər ki, yeni vaxt həddi həqiqətən 2 gün 12 saatdır.
WhatsApp həmçinin istifadəçi administrator olduğu halda qruplarda istənilən mesajı silmək imkanı üzərində işləyir.
Bizi Telegram kanalımızdan da izləyə bilərsiniz. https://t.me/infocity_az
