Apple və Intel şirkətləri razılaşma haqqında məlumat yayıblar. Belə ki, Apple Intel-in smartfonlar üçün modemlərə aid biznesinin böyük hissəsinə sahib olacaq. Təxminən 2200 işçi əqli mülkiyyət və avadanlıqla birlikdə Apple-a qoşulacaq. Gözlənilir ki, razılaşmanın dəyəri 1 milyard dollar təşkil edəcək və cari ilin son rübündə yekunlaşdırılacaq.
Ümumilikdə Apple Intel-ə məxsus 17 mindən çox patentə yiyələnəcək. Onların arasında simsiz texnologiyalar, şəbəkə protokolları standartları, modem inşaatı və s. var. Intel öz növbəsində smartfonlar xaric digər texnologiyalar üçün modemlər hazırlamaq hüququnu özündə qoruyacaq.
