Apple oktyabrın 27-də M6 prosessorlu 14 düymlük MacBook Pro və yenilənmiş iMac kompüterlərini təqdim edib. Yeni modellər xarici görünüş baxımından əvvəlki nəsildən fərqlənmir. Əsas dəyişikliklər məhsuldarlıq, süni intellekt imkanları və texniki təchizatla bağlıdır. İlkin sifarişlər oktyabrın 28-də Bakı vaxtı ilə saat 21:10-da başlayacaq, satışlar isə 6 noyabrda start götürəcək.
M6 Apple-ın 2 nanometrlik istehsal texnologiyası ilə hazırladığı ilk prosessordur. MacBook Pro üçün nəzərdə tutulan versiya 12 nüvəli CPU və 12 nüvəli GPU ilə təchiz edilib. Süni intellekt əməliyyatlarının sürətləndirilməsi üçün iki 16 nüvəli Neural Engine, həmçinin hər qrafik nüvəsində ayrıca AI sürətləndiricisi istifadə olunur.
Apple-ın açıqlamasına əsasən, M6 çoxnüvəli hesablamalarda M5-dən 20% daha yüksək nəticə göstərir. Qrafik performans isə M5 Max ilə müqayisədə 30% artıb. Süni intellekt tapşırıqlarının icrası da əvvəlki göstəricilərlə müqayisədə 25% sürətlənib.
Yeni 14 düymlük MacBook Pro Liquid Retina XDR ekranla təchiz olunub. Ekranın işıq əksini azaltmaq üçün nano-teksturalı örtüklə olan versiyasını da seçmək mümkündür. Videozənglər üçün 12 MP Center Stage kamera, səs üçün isə altı dinamikli sistem nəzərdə tutulub. Apple N1 rabitə çipi noutbuka Wi-Fi 7 və Bluetooth 6 dəstəyi gətirir. Bağlantılar arasında üç USB-C portu, HDMI, SDXC kart yuvası və qulaqlıq girişi var. USB-C portları isə Thunderbolt 4 standartından istifadə edir. Sürətli şarj doldurmaq üçün MagSafe 3 bağlantısı da saxlanılıb.
Şirkət yeni model üçün 24 saata qədər batareya ömrü vəd edir. Bu, M1 modelindən 4 saat, Intel çipli son versiyadan isə 14 saat çoxdur. 96 Vt gücündə uyğun adapterlə batareyanı təxminən 30 dəqiqəyə 50%-dək doldurmaq mümkündür. Noutbuk gümüşü və kosmik qara rənglərdə təqdim olunur.
M6 çipli 14 düymlük MacBook Pro-nun başlanğıc qiyməti 1 999 dollardır. Baza konfiqurasiyasında 16 GB vahid yaddaş və 1 TB SSD nəzərdə tutulub:
- 16 GB RAM, 1 TB SSD: 1 999 dollar
- 24 GB RAM, 1 TB SSD: 2 199 dollar
- 32 GB RAM, 1 TB SSD: 2 399 dollar
Daxili yaddaşı 2 TB-a qədər artırmaq əlavə 500 dollara, 4 TB seçimi isə əlavə 1500 dollara başa gəlir. Təhsil endirimi tətbiq edildikdə başlanğıc qiymət 1 899 dollara enir.
M6 çipli 14 düymlük MacBook Pro üçün ön sifarişlər 28 oktyabrda başlayacaq, satışlar isə 6 noyabrda start götürəcək. 16 GB operativ yaddaş və 1 TB SSD ilə təchiz olunan baza versiyasının qiyməti 1 999 dollardan başlayır.
