Google-un növbəti nəsil smartfonlarının — Pixel 10 seriyasının ölçüləri və çəkiləri rəsmi elan edilməmişdən öncə internetə sızıb. Pixel 10 və Pixel 10 Pro modellərinin ölçüləri müvafiq olaraq 152,8 × 72 × 8,6 mm, çəkiləri isə 204 və 207 qram olacaq. Ən böyük model olan Pixel 10 Pro XL isə 162,8 × 76,6 × 8,5 mm ölçüyə və 232 qram çəkiyə sahibdir. Bu dəqiq göstəriciləri Android Headlines portalları yayıb.
Öncəki Pixel 9 seriyası ilə fərqləri mikroskopik səviyyədədir — yeni modellər təxminən 0,1 mm daha qalındır və 5% ağırdır.
Daha maraqlı dəyişiklik Pixel 10 Pro Fold modelindədir. O, açıq halda 155,2 × 150,4 × 5,2 mm ölçüsündə olacaq ki, bu da Pixel Fold 9-dan bir qədər daha geniş və qalın deməkdir. Həmçinin çəkisi də 1 qram artıqdır.
Rəng seçimləri də açıqlanıb:
-
Pixel 10: Obsidian (qara), Indigo (göy), Frost (ağ-mavi), Limoncello (sarı).
-
Pixel 10 Pro və XL: Obsidian, Farfor (ağ-bej), Ay daşı (boz), Nefrit (yaşıl).
-
Pixel 10 Pro Fold isə bu il yalnız Lunar Stone (boz) və Nefrit (yaşıl) rənglərində satışa çıxacaq — klassik ağ və qara rənglər gözlənilmir.
Rəsmi təqdimata çox az qalıb — 20 avqustda Google şirkəti bütün yeni modelləri ictimaiyyətə göstərəcək.
