Son insayder məlumatlarına görə, Xiaomi bu ayın sonuna doğru genişmiqyaslı yeni məhsul təqdimatı planlaşdırır. Gözlənilən qurğular arasında 14 düymlük OLED ekranla təchiz olunmuş Xiaomi Pad 7 Ultra və həmçinin Xiaomi 15S Pro modeli də var. Hər iki cihazın Xiaomi-nin tamamilə yeni, öz istehsalı olan prosessoru ilə işləyəcəyi bildirilir. Bundan əlavə, tədbir zamanı şirkətin ilk elektromobilinin də təqdim olunacağı gözlənilir.
Xiaomi-nin daxili imkanlarla hazırladığı və XRing O1 adlandırılan yeni prosessoru artıq buraxılış mərhələsinə yaxındır. Çipin debütü bu ayın sonunda baş tuta bilər.
Məşhur insayder DCS-in məlumatına görə, Xiaomi XRing O1 çipini azı iki cihazda istifadə etməyi planlaşdırır. Bu cihazlardan biri artıq haqqında uzun müddətdir söz-söhbət gedən Xiaomi 15S Pro-dur. Digəri isə tezliklə satışa çıxacağı gözlənilən Xiaomi Pad 7 Ultra ola bilər.
Əvvəllər Xiaomi Pad 7 Max kod adı ilə tanınan Xiaomi Pad 7 Ultra, ekran ölçüsünə görə brendin planşet seriyasında flaqman model kimi təqdim olunacaq. Qurğunun 14 düymlük OLED ekrana və 120 vat gücündə sürətli şarj funksiyasına sahib olacağı gözlənilir.
