Dyson şirkətinin indiyə qədər istehsal etdiyi ən nazik tozsoran olan PencilVac, cəmi 38 mm diametrli «qolu» və 95 mm-lik kiçik təmizləmə başlığı ilə diqqət çəkir.
Xaricdən baxanda bu tozsoran sanki mühərriksiz və toz konteyneri olmayan, yalnız uzun bir çubuq formasındadır. Ancaq əslində mühərrik və toz toplayıcı hissə bu incə tutacağın içində gizlədilib. Bütün bu texnologiyanı bu qədər kiçik ölçüyə yerləşdirmək üçün Dyson, məşhur Supersonic fen modelində istifadə olunan mühərriki burada da tətbiq edib.
Bu yeni model, şirkətin 2021-ci ildə təqdim etdiyi kompakt Dyson Omni-glide tozsoranını əvəz etməlidir. Amma satışa çıxması dərhal baş verməyəcək — cihaz ABŞ bazarına yalnız 2026-cı ildə daxil olacaq. Hal-hazırda isə onu yalnız Yaponiya və Koreyada əvvəlcədən sifariş etmək mümkündür.
Başlanğıc qiyməti 420 ABŞ dollardır.
