Dell şirkəti yeni Ryzen AI 300 seriyalı prosessorlarla təchiz olunmuş 16 Plus modelini təqdim edib. Noutbuk nazik metal korpusa, 16 düymlük sensor ekrana (1920×1200 piksel, 16:10 formatında), tamölçülü arxa işıqlı klaviaturaya və süni intellekt funksiyalarına xüsusi düyməyə malikdir. Ekranın üstündə 1080p ön kamera yerləşir və onun üçün fiziki qapaq da mövcuddur.
Prosessor olaraq 6 nüvəli Ryzen AI 5 340 və ya 8 nüvəli Ryzen AI 7 350 seçimi təklif olunur. Hər iki model 5.0 GHz-ə qədər sürət və 50 TOPS gücündə NPU süni intellekt prosessoru ilə təchiz olunub. Əməli yaddaş — 16 və ya 32 GB LPDDR5X, yaddaş həcmi isə 1 TB-a qədər SSD-dir.
Qurğunun qalınlığı cəmi 16,99 mm, çəkisi isə 1,83 kq-dır. Portlar arasında: 2x USB-C (DisplayPort və sürətli enerji dəstəyi ilə), 1x USB-A, HDMI 1.4 və 3,5 mm audio çıxışı yer alır. Wi-Fi 7 və Bluetooth bağlantısı da mövcuddur.
64 Vt·saatlıq batareya 65 vattlıq sürətli şarj ilə dəstəklənir və 12 saata qədər avtonom istifadə təmin edir. Güc düyməsinə barmaq izi skaneri inteqrasiya olunub.
Qiymətlər:
-
$849 — Ryzen AI 5 340 / 16 GB RAM / 512 GB SSD
-
$999 — Ryzen AI 7 350 / 16 GB RAM / 1 TB SSD
-
$1199 — Ryzen AI 7 350 / 32 GB RAM / 1 TB SSD
