YouTube-un vitse-prezidenti Amjad Hanif-in sözlərinə görə, növbəti beş il ərzində platformadakı bütün videolar süni intellekt vasitəsilə hazırlanmış dublajla təmin olunacaq — özü də bütün dillərdə. Bundan əlavə, şirkət AI texnologiyası ilə danışanın dodaq hərəkətlərini “animasiya” edərək görüntü ilə səs arasında uyğunsuzluğun qarşısını almağı planlaşdırır. Amma bu da hələ son deyil.
YouTube-un ən iddialı yeniliyinin ideyası isə birbaşa kino dünyasından gəlir: platforma artıq vəfat etmiş aktyorları “canlandırmaq” istəyir.
2022-ci ildən bəri generativ neyroşəbəkələrin sürətli inkişafı dünyanı dəyişdi. Bu texnologiyalar çoxlu sayda məzmun yarada bilir və sahənin liderlərindən biri olan Google bu dalğanı düzgün zamanda «dayandırmağı» bacardı. Süni intellektin öyrədilməsi üçün nəhəng miqdarda məlumat tələb olunur və şirkət bu məlumatları haradan götürdü? Əlbəttə ki, öz platformasından – yəni videolarını yükləyən bloggerlərdən.
Müəllif hüquqları ilə bağlı mübahisələr hələ də davam edir, amma Google özünü “günah keçisi” kimi göstərmək istəmir. Əvəzində, video müəlliflərinə avtomatik tərcümə funksiyalarını təklif edir. Üstəlik, şirkət YouTube-un istifadə qaydalarını da əsas kimi göstərir: Pulsuz platformadan faydalanırsansa, fərdiliyini də bu platformaya verməyə hazır olmalısan.
YouTube-un hazırkı rəhbəri Nil Moxan bildirir ki, heç olmasa Google kontenti OpenAI kimi «ədəbsizcəsinə» götürmür. Xatırladaq ki, OpenAI YouTube-dakı videolardan istifadə edərək Sora adlı neyroşəbəkəni öyrədib.
