Mate 70 Pro, qatlana bilən Mate XT və MatePad Pro 13.2 planşetinə əlavə olaraq HUAWEI şirkəti qlobal bazara FreeArc simsiz qulaqlıqlarını təqdim etdi.
HUAWEI FreeArc-ın nüvəsi (əsası) güclü bas təmin edən yüksək həssas 17×12 mm sürücüdür. Qulaqlıqların daxili sistemi titanla örtülmüş kompozit diafraqmadan və yüksək performanslı neodim maqnitindən ibarətdir. Şirkətdən verilən məlumata görə, əks səs dalğası sistemi sayəsində qulaqlıqlarda səs sızması minimuma endirilir. Onlar həmçinin iki mikrofonlu ANC-yə və küləyin səs-küyünün 4 m/s-ə qədər azaldılmasını dəstəkləyir.
HUAWEI FreeArc yaddaş effektli 0,7 mm qalınlığında Ni-Ti ərintisi ilə hazırlanmışdır. Xüsusi forma (C-bridge) sayəsində qulaqlıqlar hətta idmanla məşğul olanda da qulaqda möhkəm qalır. Smartfonla sabit birləşmə üçün qulaqlıqların dizaynına 400 metr diapazonlu patentləşdirilmiş ikili rezonatorlu antenna daxildir. Cihaz hətta suyun qorunması IP57 standartı ilə təmin edilib.
