İnsayderlər bildirirlər ki, OPPO qlobal bazarda yüksək səviyyəli smartfonların Find X8 xəttini buraxmağa hazırlaşır. Flaqmanların qlobal elan olunacağı tarix də məlum olub.
Məlumata görə, şirkət Find X8 və Find X8 Pro smartfonlarının qlobal bazarda satışına noyabrın 21-də, ilk satışlarına isə Hindistan və Böyük Britaniyada başlayacaq.
Nəzərinizə çatdıraq ki, Find X8 və X8 Pro smartfonları Dimensity 9400 çipi, əsas modeli 5630 mAh, Pro versiyası isə 5910 mAh batareya ilə təchiz olunub. «Pro» versiya həmçinin 3x və 6x ZOOM dəstəyi ilə iki 50 meqapiksellik telefoto kamera aldı. Hər iki smartfon Android 15 əsasında ColorOS 15 ilə işləyir.
