Çinin məşhur elektronika istehsalçısı Xiaomi “Zhuque” kod adlı smartfon hazırlayır. Smartprix resursunun dərc etdiyi məlumata görə, cihazın təqdimatı 2025-ci ilə planlaşdırılır.
Yeni qadcetin fərqləndirici xüsusiyyəti fiziki düymələrin olmamasıdır. Bunun əvəzinə jest əmrləri, səslə idarəetmə, təzyiq aşkarlayan kapasitiv düymələr və ya cihazın yan kənarlarında toxunma panelləri kimi alternativ idarəetmə üsullarından istifadə edilə bilər.
Zhuque-nin digər texnoloji xüsusiyyəti displeyin altına inteqrasiya edilmiş gizli ön kamera ola bilər. Bazarda oxşar həllərin mövcudluğuna baxmayaraq, onlar tez-tez çəkiliş keyfiyyətindən və ekran piksellərinin arxasında görünmə qabiliyyətindən əziyyət çəkirlər. Ehtimal olunur ki, Xiaomi bu texnologiyanı təkmilləşdirə biləcək.
Yeni smartfonun 3nm texnologiyasından istifadə edilməklə istehsal olunacaq Snapdragon 8+ Gen 4 prosessoru ilə təchiz ediləcəyi gözlənilir. Bu çipin elanı 2024-cü ilin oktyabr ayına planlaşdırılıb və çox güman ki, gələn il bir çox flaqman Android cihazlarında istifadə olunacaq.
Zhuque beş il əvvəl Xiaomi tərəfindən təqdim edilmiş Mi Mix Alpha konsept smartfonunun davamı sayıla bilər. Bu telefon arxa tərəfi əhatə edən «sonsuzluq» displeyi, həmçinin gizli ön kamerası və ənənəvi düymələrin olmaması ilə diqqəti cəlb edirdi. Bununla belə, Mi Mix Alpha bir sıra texnoloji problemlərə görə heç vaxt kütləvi istehsala çıxmadı.
