Apple şirkəti bir sıra KİV-lərə məktublar göndərərək onları sentyabrın 9-da şirkətin yeni məhsullarının təqdimatında iştirak etməyə dəvət edib. Tədbirdə iPhone 16 seriyalı smartfonların və istehsalçının bir sıra digər məhsullarının təqdim ediləcəyi gözlənilir.
Yeni məhsulların təqdimatı ABŞ-da Kaliforniyada sentyabrın 9-da Bakı vaxtı ilə saat 21:00-da keçiriləcək. iPhone 16 ilə yanaşı, yeni Watch 10/Ultra/SE smartwatch və AirPods 4 TWS qulaqlıqlarının premyerasını da gözləyə bilərik.
Şayiələrə görə, tədbirdə yeni Watch SE ağıllı saatı nümayiş oluna bilər. Həmçinin yeni cihaz rəngləri və təkmilləşdirilmiş aşağı işıq performansını görəcəyimiz gözlənilir. Apple hələ yeni qadcetlərlə bağlı rəsmi məlumat dərc etməyib.
