Keçən həftə internetdə yeni iQOO 12 smartfonunun real fotosu kimi təqdim edilən bir şəkil peyda olmuşdu. Təəssüf ki, görüntü çox aydın görünmürdü və cihazın dizaynını görmək çətin idi. Onun sayəsində arxa paneldə yerləşən kvadrat formalı modulla yeni kameranın necə görünəcəyini bilirik.
Qeyd edək ki, son hesabatda iQOO 12 və 12 Pro-nun üç rəng variantında təqdim ediləcəyi məlum olub: qara və ağ (arxası şüşəli) və qırmızı (arxası dəridən). Fotoda cihazların biri düz, digəri isə «əyri» ekranladır. Güman edilir ki, iQOO 12 və 12 Pro məhz bu displey dizaynlarına sahib olacaqlar.
Nəzərinizə çatdıraq ki, iQOO 12 və 12 Pro-nun noyabrın 7-də Çində təqdim edilməsi gözlənilir. Hər iki smartfon yeni Snapdragon 8 Gen 3 prosessoru ilə təchiz ediləcək.
Bizi Telegram kanalımızdan da izləyə bilərsiniz. https://t.me/infocity_az
