Xiaomi, nəhayət, yeni flaqmanı olan Xiaomi 14 seriyasının elan tarixini rəsmi olaraq təsdiqlədi.
Tədbir oktyabrın 26-da Çində yerli vaxtla saat 19:00-da baş tutacaq. Təqdimat çərçivəsində şirkət təkcə yeni smartfonlar seriyasını deyil, həm də yeni əməliyyat sistemini — HyperOS-u, həmçinin Xiaomi Watch S3 smart saatını təqdim edəcək.
Şirkət, Xiaomi 14 seriyasının marka üçün əhəmiyyətli bir irəliləyiş olacağını və istifadəçilərə bir çox təkmilləşdirmələr təqdim edəcəyini vəd edir.
Yeni qurğular Xiaomi tərəfindən hazırlanmış HyperOS əməliyyat sistemində işləyəcək. Tanıtım şəkillərinə əsasən, markanın yeni smartfonları Xiaomi Mi 13 seriyası ilə təqdim olunduqdan sonra məşhur olan düzbucaqlı çərçivə dizaynını qoruyacaq. Bu, cihazlara davamlı və gözəl görünüş verir. Qurğuların arxa kamerası da düzbucaqlı dizaynı qoruyub saxlayacaq.
Bizi Telegram kanalımızdan da izləyə bilərsiniz. https://t.me/infocity_az
