Əvvəllər Google yeni Pixel 8 və Pixel 8 Pro smartfonlarını təfərrüatlı şəkildə nümayiş etdirmişdi, indi növbə Pixel Watch 2-dədir. Rəsmi tanıtım videosu cihazı hər tərəfdən göstərir və rəsmi təqdimat öncəsi bir sıra vacib xüsusiyyətləri ortaya qoyur.
Gözlənildiyi kimi, ikinci nəsil Pixel Watch əvvəlki modelin dizaynını saxlayacaq. Saat əyri şüşəli və yuvarlaq kənarları olan dairəvi korpus, yan tərəfdə isə fırlanan təkər düyməsi, adi fiziki düymə, mikrofon və dinamik yuvası olacaq.
Korpus sudan və tozdan tam qorunduğunu göstərən IP68 yazısını daşıyır. Suda 50 metrə qədər dalma qabiliyyəti, ürək dərəcəsi sensoru, yuxu izləmə və qan oksigenlə doyma səviyyələrindən də bəhs edilir. Saatda həmçinin stress səviyyələrini izləmək üçün EDA (elektrodermal aktivlik) sensoru olacaq.
Daha əvvəl bildirilmişdi ki, Pixel Watch 2 384×384 piksel təsvir ölçülü displey, Qualcomm Snapdragon W5+ Gen 1 prosessoru,Qualcomm Snapdragon V5+ Gen 1 prosessoru, 2 GB RAM, 306 mah batareya və əlavə LTE dəstəyi ilə təchiz olunacaq.
Google-dan olan videoda deyilir ki, siz saatı dərhal təqdimat günü — oktyabrın 4-də əvvəlcədən sifariş edə bilərsiniz.
Bizi Telegram kanalımızdan da izləyə bilərsiniz: https://t.me/infocity_az
