iPhone 15 seriyalı smartfonlar haqqında şayiələr kolleksiyası gələcək yeni məhsulların rənglərinə həsr olunmuş insayder nəşrlə tamamlandı. Xüsusilə, şirkətin korporativ rəng palitrasına daha bir təzə çalar əlavə edəcəyi məlum olub.
Majin Bu ləqəbli bir insayder tərəfindən dərc edilən şəkillərə əsasən, seriyada iPhone 12 xəttindəki oxşar cihazı bir az xatırladan açıq yaşıl korpus rəng seçimi görünəcək. Öz növbəsində, MacRumors portalı qarşıdan gələn yeni məhsulların bütün rəng variantlarını adlandırıb.
Bildirilir ki, şirkət əsas iPhone 15 və Plus versiyasını qara, ağ, sarı, mavi və narıncı rənglərdə, Pro və Pro Max modifikasiyaları isə tünd mavi, gümüşü boz, qara və titan rənglərdə müştərilərə təqdim olunacaq.
Bizi Telegram kanalımızdan da izləyə bilərsiniz. https://t.me/infocity_az
