Apple gələcək modellər üçün inqilabi təkmil ola biləcək yuvarlana bilən iPhone üçün patent verdi.
Noyabr ayında şirkət tərəfindən təqdim edilən və iyulda buraxılan sənəd, büküldükdə ekranın zədələnməsinin qarşısını almaq üçün nazik şüşə və xüsusi komponentlərdən istifadə edən yuvarlana bilən telefon konseptidir.
Patent ümumi təyinatlı elektron displeylər üçün olsa da, Apple açıq şəkildə dizaynın telefonlarda istifadə oluna biləcəyini ifadə edərək, yuvarlanan smartfon bazarında öz ambisiyalarını təsdiq edir.
Qeyd edək ki, kupertinalılar layihəni həyata keçirsələr, nəhayət, qatlana bilən telefonlar üzərində işləyən Samsung, Motorola və LG kimi digər böyük istehsalçılara qoşulacaqlar.
Hal-hazırda, heç bir şirkət kütləvi bazara oxşar bir smartfon çıxarmayıb, baxmayaraq ki, bəziləri artıq konsepsiya və prototiplər təqdim ediblər.
Bizi Telegram kanalımızdan da izləyə bilərsiniz. https://t.me/infocity_az
