OnePlus hələ özünün ilk qatlana bilən smartfonunu təqdim etməyib, lakin insayderlərin səyləri ilə bu barədə artıq demək olar ki, hər şey məlumdur. Cihazın xüsusiyyətlərinin ətraflı siyahısını Gadgetsdata ləqəbi ilə texnoloji bloqer dərc edib və eyni zamanda o, yeniliyin təqdimatının gözlənilən tarixini də qeyd edib.
Mənbəyə görə, OnePlus V Fold 2K təsvir ölçülü, 120 Hz yeniləmə tezliyinə malik 8 düymlük çevik AMOLED displey və ekran altındakı barmaq izi skaneri alacaq. Smartfonun əsasını LPDDR5x və UFS 4.0 yaddaşı ilə tamamlanan Snapdragon 8 Gen 2 platforması təşkil edəcək. Yenilik 100 Vt sürətli enerji doldurma texnologiyasını dəstəkləyən 4805 mAh batareya ilə təchiz ediləcək.
Selfie və videozənglər üçün 32 meqapiksellik ön kamera təmin ediləcək. Smartfonun arxa kamerasına isə 50 meqapiksellik əsas təsvir sensoru (Sony IMX890), 48 meqapiksellik ultra geniş bucaq (IMX581) və zoom ilə çəkiliş üçün 32 meqapiksellik periskop modul daxil olacaq.
Məlumata görə, OnePlus V Fold-un qlobal elanı bu ilin avqust və ya sentyabrında baş tutmalıdır. Şirkət həmçinin OnePlus V Flip adlı başqa bir qatlana bilən smartfon üzərində işləyir.
Bizi Telegram kanalımızdan da izləyə bilərsiniz. https://t.me/infocity_az
