Bloomberg-dən Mark Qurmanın hesabatına görə, Apple şirkəti daha güclü 3nm mülkiyyət M3 prosessoru ilə yeni iMac təqdim etməyə hazırlaşır.
Yeniliyin eyni 24 düymlük ekranla təchiz ediləcəyi gözlənilir. Qurmanın sözlərinə görə, yeni iMac üç aydan tez olmayaraq kütləvi istehsala başlayacaq. Bununla belə, Apple yenədə də 2023-cü ilin ikinci yarısında cihazların çatdırılmasına başlaya bilər.
İnsayderin iddia etdiyi kimi, iMac mavi, gümüş, çəhrayı və narıncı da daxil olmaqla sələfi ilə eyni rənglərdə satışa çıxarılacaq.
Qurman həmçinin bildirib ki, yeni iMac ilə yanaşı, Apple yeni 15 düymlük MacBook Air, yenilənmiş 13 düymlük MacBook Air və M2 Ultra çipi ilə təchiz edilmiş Mac Pro-nu buraxmağa hazırlaşır.
Bizi Telegram kanalımızdan da izləyə bilərsiniz. https://t.me/infocity_az
