AnTuTu benchmark komandası 2022-ci ilin yanvar ayı üçün smartfon performansının ən son reytinqini açıqlayıb. Snapdragon 8 Gen 1 prosessorunun buraxılması ilə əlaqədar cihazların yerləri siyahıda dəyişdi.
Qualcomm-un ən yeni platforması reytinqdə üstünlük təşkil edir. Siyahını iQOO 9 seriyalı smartfonlar açıb. Birinci yerdə 1 020 974 balla iQOO 9 Pro, ikinci yerdə isə iQOO 9 baza modeli 1 020 156 balla qərarlaşıb. Üçüncü yeri 1 000 641 balla Realme GT2 Pro tutmuşdur. İlk beşliyə həmçinin OnePlus 10 Pro və Xiaomi 12 Pro daxildir.
Son üç yerdə Snapdragon 888 Plus prosessorlu smartfonlar yerləşiblər. Bunlara Black Shark 4S Pro, Red Magic 6S Pro və iQOO 8 Pro daxildir. Ancaq güman etməliyik ki, tezliklə bu modellər də reytinqi tərk edəcəklər.
Bizi Telegram kanalımızdan da izləyə bilərsiniz. https://t.me/infocity_az
