Nüfuzlu insayder Digital Chat Station bildirib ki, Xiaomi 12 Ultra flaqman smartfonunun əsas kamerası Xiaomi Mi 11 Ultra modelində quraşdırılan kameradan heç də fərqlənməyəcək. Onun sözlərinə görə, modulun dizaynının özündə müəyyən dəyişikliklərin olacağı ehtimal edilsə də, yeniliyin sensorlar və optika dəsti eyni qalacaq.
Bu məlumat doğru olarsa, smartfon 50, 48 və 48 meqapiksellik sensorlarla təchiz olunacaq. Cihazın periskopun “super-telefoto obyektivinə” sahib olacağı gözlənilir, lakin Çin elektronika istehsalçısının Mi 11 Ultra ilə eyni linza sistemindən istifadə etməyi planlaşdırdığı və ya onun dizaynında hansısa dəyişikliklər edəcəyi barədə məlumat verilmir.
Bizi Telegram kanalımızdan da izləyə bilərsiniz. https://t.me/infocity_az
