POCO brendi təqdimat zamanı yeni ucuz M4 Pro smartfonunu nümayiş etdirdi. Texniki cəhətdən bu, Çində bu yaxınlarda buraxılmış Redmi Note 11-in tam nüsxəsidir, lakin bir qədər yenidən işlənmiş və dünya miqyasında satış üçün nəzərdə tutulmuşdur.
POCO M4 Pro Full HD+ həlli və 90 Hz təzələmə tezliyi ilə 6,6 düymlük LCD ekranla təchiz edilib.
Qurğu səkkiznüvəli MediaTek Dimensity 810 prosessoru əsasında qurulub və AnTuTu-da təxminən 400.000 bal toplayıb. Cihaz, modifikasiyadan asılı olaraq 4 + 64 və ya 6 + 128 GB yaddaşa sahib olacaq. UFS 2.2 sürücüsü 1 TB-a qədər microSD kartları ilə genişləndirilməsini dəstəkləyir. 33W sürətli şarj dəstəyi və 5000mAh batareya ilə təchiz edilmişdir. İki əsas kamera var: 50 meqapiksellik geniş bucaqlı modul və 8 meqapiksellik ultra geniş bucaqlı modul.
Yenilik noyabrın 11-də satışa çıxarılacaq. 4 + 64 GB versiyası 229 avroya, 6 + 128 GB versiyası isə 249 avroya başa gələcək. İlk alıcılar üçün xüsusi qiymət olacaq — müvafiq olaraq 199 avro və 219 avro.
Bizi Telegram kanalımızdan da izləyə bilərsiniz. https://t.me/infocity_az
