Google-un ucuz 5G smartfonu haqqında təfərrüatlar internetdə görünməyə davam edir. Bu dəfə mənbələr qarşıdan gələn Google Pixel 4A 5G-nin yeni görüntülərini paylaşdılar.
Göründüyü kimi, smartfon yalnız texniki xüsusiyyətlərdə fərqlənəcəkdir. Pixel 4A 5G-in ekrana quraşdırılmış selfie kamerası ilə təchiz ediləcəyi artıq bəlli oldu.
Smartfon Qualcomm Snapdragon 765G prosessoru, 60 Hz yeniləmə sürətinə malik 6.1-6.2 düym OLED ekrana sahibdir. Cihaz 3800 mAh batareya, həmçinin 6 GB operativ yaddaş ilə təchiz edilə bilər. Yeniliyin bu payızda, daha dəqiq desək, oktyabr ayında satışa başlayacağı güman edilir. Pixel 4A 5G-in gözlənilən qiyməti 500 dollardır.
