Məlum olub ki, şirkət populyar Redmi Note 9 smartfonunun təkmilləşdirilmiş versiyası üzərində işləyir.
Beləliklə, əsas versiyada smartfon 4 GB RAM və 64/128 GB daxili yaddaş ilə satılırsa, təkmilləşdirilmiş versiyada, mənbələrə görə, təxminən 6 GB RAM və 128 GB daxili yaddaş olacaq. Yeniliyin yaxın vaxtlarda satışa çıxarılacağı da bildirilir.
Xatırladaq ki, Redmi Note 9 5020 mAh batareya ilə MediaTek Helio G85-də işləyir. Bundan əlavə, 18W sürətli şarj üçün dəstək var. Smartfon 6.53 düymlük Full HD+ ekranı, 48 meqapiksellik əsas sensoru və NFC dəstəyi ilə dörd modullu kamera ilə təchiz edilmişdir.
