BCNranking resursu Yaponiyada ötən ilin kamera satışları haqqında statistik məlumatları paylaşıb. Kamera bazarında artıq uzun müddət olduğu kimi, Canon yenə də ilk sırada qərarlaşıb. Şirkət ümumilikdə bazarın 33.6% hissəsinə sahibdir.
İkinci pilləyə isə yenidən Nikon şirkəti yüksəlib. Onlar bazarda 19.2% hissəyə sahibdirlər. Sony şirkəti isə satışların kəskin enməsi ilə 17.5% pay sahibi ilə üçüncü pilləyə eniblər. Nikon şirkətinin bu uğurunu güzgüsüz Z-50 modelinin təqdim edilməsi ilə əlaqələndirirlər. Yeni Sonu A9II kamerası isə daha çox peşəkarlar üçün nəzərdə tutlduğu üçün o qədər də populyarlıq əldə edə bilməyib.
Maraqlısı budur ki, Micro Four Thirds sistemli kameralar istehsal edən Olympus şirkəti artıq ciddi şəkildə ilk üçlüyə yaxınlaşa bilib və Sony-ni sıxışdırıb çıxara bilər. Onların bazar payı 16.1%-ə çatıb.
