Asus ROG Phone 2 rəsmi olaraq satışa çıxarılıb, lakin ilk partiya qısa bir müddətdə satılıb. Belə ki, cəmi 73 saniyəyə 10.000 smartfon alıcılar tərəfindən sifariş edilib. Asus şirkətinin rəsmiləri alıcılardan bu problemlə bağlı üzr istəyib və qeyd edib ki, 4 və 7 avqust tarixlərində smartfonların növbəti partiyaları satışa çıxarılacaq. Dördüncü partiyanın təqdimatı 12 avqusta planlaşdırılıb.
Maraqlısı budur ki, məşhur JD.com resursunda Asus ROG Phone 2 üçün öncədən sifariş sayı artıq 2.5 milyona çatıb. Bütün bu rəqəmlər onu göstərir ki, Asus ROG Phone 2 populyar olmaqlar yanaşı Xiaomi Black Shark 2 Pro üçün ciddi rəqibə çevriləcək.
